Biblíuskóli

Hér er finna biblíufræðslu þar sem farið er yfir rit Biblíunnar almennt og einstaka rit. Efninu er raðað þannig upp að fyrst eru inngangsfræði og svo er umfjöllun um sérstök rit eða hluta rita. Því er raðar upp eins og ritin koma fyrir í Biblíunni. Svo er einnig Biblíutengt efni sem setur ritin í samhengi við nútímann og daglegt líf. Erindin eru á myndböndum (YouTube) og glærur fyrirlesarana birtast jafn óðum. Ef einhver vill fara reglulega í gegnum efnið eða hluta þess getur viðkomandi skráð sig hér fyrir neðan og fengið sent ítarefni og notið leiðsagnar kennara.

Annar þáttur eru svo Biblíulestrar og leiðbeiningar um leshópa. Sumir eru í bókmenntahópum sem lesa saman einhverja bók en Biblíulestrar eru um margt svipaðir þar sem lesin eru einstaka rit Biblíunnar eða hlutar. Það er til mikið efni en það sem verður kynnt fyrst á þessum síðum eru svo kölluð Emmaus námskeið.

Biblían og menningin

Fræðslukvöld sem voru í Glerárkirkju í febrúar og mars 2015.

Fyrirlestraröð í tilefni af 200 ára afmælis Hins íslenska biblíufélags þar sem fjallað var um áhrif Biblíunnar á menningu og samfélag. Dr. Gunnlaugur A. Jónsson, prófessor í Gamla testamentinu mun fjalla um áhrif Davíðssálma á íslenska menningu. Nýútkomin er bók eftir hann um efnið Áhrifasaga Saltarans, þar sem hann ritskýrir Davíðssálma og rekur áhrif þeirra á íslenska menningu sérstaklega. Dr. Sigurður Pálsson, helsti sérfræðingur í námskrá kristindóms – og trúarbragðafræðslu í skólum, fjallar um stöðu þeirra mála í dag og það ögrandi verkefni fyrir bæði kirkju og skóla. Með þessari dagskrá viljum við sem að þessu stöndum skapa umræðu í samfélaginu um þýðingu Biblíunnar fyrir íslenska menningu.

1. erindi

Áhrif Davíðssálma í menningu og listum

Fyrirlesari: dr. Gunnlaugur A. Jónsson, prófessor í Gamla testamentisfræðum.

-Dæmi m.a. tekið af Sálmi 121 (Ég hef augu mín til fjallanna), listaverki Einars Hákonarsonar “Harpa Davíðs sem unnið er út frá þeim sálmi”, á legsteini í kirkjugarði Akureyrar,  kvikmyndinni Söngvaseiður (Sound of Music) og íslenskum kveðskap.

2. erindi

Er hætt að kenna biblíusögur í grunnskólanum?

Fyrirlesari: Dr. Sigurður Pálsson, fyrrum námsstjóri í kristnum fræðum, sóknarprestur í Hallgrímskirkju og doktor í menntunarfræðum. 

Ný aðalnámskrá 2013 – hlutverk kennara, viðbrögð kirkjunnar. Í aðalnámskrá frá 2013 voru gerðar róttækar breytingar á stöðu kristindóms- og trúarbragðafræðslu. Sigurður Pálsson mun ræða um þær breytingar og þær kröfur sem í námskránni eru gerðar til kennara. Enn fremur hvernig þjóðkirkjan geti svarað þessum nýju áherslum.

Horfa á myndbandið…

Leiðsögn um Nýja testamentið

Fyrirlestraröð um helgirit kristninnar sem haldin var í Glerárkirkju á í október og nóvember 2014

Fyrirlesarar

Fyrirlesararnir eru guðfræðingar og prestar í Eyjafjarðar- og Þingeyjarprófastsdæminu sem hafa starfað við að útskýra
Nýja testamentið í ræðum sínum og fræðslu um árabil. Upphafsfyrirlesturinn flytur sérfræðingur í Nýja testamentisfræðum Clarence Glad.

Umræður og iðkun

Eitt af markmiðum námskeiðsins er að gefa þeim sem áhuga hafa möguleika að ræða um rit Biblíunnar og boðskap hennar og geta þeir sem það vilja skráð sig og fengið ráð um Biblíulestur og upplýsingar um Biblíulesahópa í grendina við sig.

Biblían er helgirit kristinna manna og það felur í sér að fræðileg umræða er ágætur grunnur en þeir sem lesa Biblíuna til uppbyggingar í trú stíga lengra því fylgja hér með nokkrar þær bænir og íhuganir sem er að finna í Nýja testamentinu. Bæn og Biblíulestur heyra saman og gefur Guðs orði nýja og kröftuga vídd.

 

Bæklingur á Pdf-form

Auglýsing á Pdf-formi

Efnisyfirlit

Í Glerárkirkju í október og nóvember
á miðvikudögum kl. 20-22

Í fyrirlestrunum verða dregnar fram gundvallarhugmyndir í ritum Nýja testamentisins. Fjallað verður um höfundana, stund og stað ritanna, þýðingu þeirra fyrir kristna söfnuði og bænalíf. Bók Williams Barclay Leiðsögn um Nýja testamentið er til hliðsjónar og hægt að fá hana hjá Skálholtsútgáfunni.

1. erindi

Dr. Clarence Glad er sjálfstætt starfandi fræðimaður í Reykjavíkur Akademíunni.  Hann hefur kennt við Brown háskóla, Hafnarháskóla, Háskólann á Bifröst, HR, HÍ og MS. Hann er nú statsstipendiat við Árnastofnun Hafnarháskóla. Hann skrifaði bókina Átökin um textann. Nýja testamentið og upphaf kristni.

Nýja testamentið og vandi túlkunarinnar.

Í þessu erindi er sjónum beint annars vegar að ímyndasköpun hins annarlega í ritum Páls postula og hins vegar að mikilvægi upplýstrar afstöðu um mótandi áhrif eigin viðhorfa á túlkun texta.  Ábyrg túlkun fornra texta ætti að reyna að virða niðurstöður akademískrar ritskýringar í gagnrýnu samtali við eigin samtíða og hefðir.

____________________________________________

2. erindi

Sr. Jón Ármann Gíslason, prófastur á Skinnastað.

Markús og Matteus – samstofna guðspjöll:
Brúin milli Gamla og Nýja testamentisins.

Þrjú fyrstu guðspjöllin í Nýja testamentinu er nefnd samstofna því að bæði Matteus og Lúkas byggja á Markúsarguðspjalli en einnig á öðru efni. Í erindinu er komið inn á það og sérkenni Matteusar sem hefur að geyma fimm ræður og leggur áherslu á uppfyllginu Gamla testamentisins með komu Jesú. Fyrsta guðspjallið er brú milli Gamla og Nýja testamentisins.

______________________________________________________

“Orðin sem ég hef talað til yðar, þau eru andi og þau eru líf.”
                       Jesús í guðspjalli Jóhannesar

______________________________________________________

3. erindi

Sr. Sigríður Munda Jónsdóttir, sóknarprestur á Ólafsfirði.

Markús og Lúkas – samstofna guðspjöll:
Vinur hinna vinarsnauðu.

Lúkas byggir á Markúsarguðspjalli en einnig á öðru efni eins og forsögunni um bernsku og æsku Jesú. Textinn er á góðri grísku og sérefni hans leggur áherslu á að Jesús tekur sér stöðu með þeim smæstu og lægst settu, vinur hinna vinarsnauðu.

____________________________________________

4. erindi

Sr. Gunnlaugur Garðarsson,
sóknarprestur í Glerárkirkju.

Jóhannesarguðspjall:
Hugur Guðs í holdi manns.

Guðspjall Jóhannesar er ólíkt hinum og er í erindinu fjallað um það. Þá er boðskapur þess um að orðið sem varð hold rakinn til hugmynda samtímans en einnig sem einkenni kristinnar trúar.

____________________________________________

5. erindi

Sr. Hildur Sigurðardóttir,
prestur og húsfreyja á Skinnastað.

Postulasagan:
Saga frumkirkjunnar
og boðskapur hennar.

Postulasagan er úrval atburða í sögu frumkirkjunnar til að sýna stefnu kirkjunnar frá Jerúsalem til heimsins enda. Þá hefur hún að geyma dæmi um prédikun í frumkirkjunni. Í erindinu eru þessir tveir þættir skoðaðir.

____________________________________________

6. erindi

Sr. Guðmuundur Guðmundsson,
héraðsprestur í Eyjafjarðar- og Þingeyjarprófastsdæmi.

Bréf Páls postula – Galatabréfið:
Frelsi kristins manns.

Í erindinu eru sagt frá kristniboðsferðum Páls postula og bréf hans til safnaðanna sem hann skrifaði á ferðum sínum. Aðallega er Galatabréfið skoðað og boðskapur þess um frelsi kristins manns. Dregnar eru ályktanir út frá því um hvernig starf kirkjunnar og safnaðanna mætti veri í anda Páls.

____________________________________________

7. erindi

Sr. Sigurður Ægisson,
sóknarprestur á Siglufirði.

Bréf Jakobs,
Péturs postula
og Hebreabréfið –
Jakobsbréfið: Kristin trú í verki.

Gefið er yfirliti yfir þessi ólíku rit og áherslur þeirra en sérstaklega skoðuð umfjöllun þeirra á breytni kristins manns. Hebreabréfið leggur áherslu á helgihaldið, en Jakob á trúna í verki og Pétur á að fylgja Jesú.

____________________________________________

8. erindi

Sr. Jón Ómar Gunnarsson,
prestur í Glerárkirkju.

Bréf Jóhannesar postula
og Opinberunarbókin:
Trúarreynslan og sýn til efsta dags.

Í erindi sínu fjallar Jón Ómar um áherslur Jóhannesarbréfanna um eðli Guðs og eftirfylgdina við Jesú Krist. Hann fjallar einnig um Opinberunarbókina og gildi hennar fyrir kristið fólk í dag.

_____________________________________________________

Þitt orð er lampi fóta minna, ljós á vegi mínum.

Úr Davíðssálmum
____________________________________________________

 

%d bloggurum líkar þetta: