Eyjafjarðar- og Þingeyjarprófastsdæmi

Næstkomandi föstdag 8. nóvember er alþjóðlegur dagur gegn einelti og kynferðisofbeldi.  Eins og fyrri ár óskar biskup í bréfi til presta og safnaða eftir því að kirkjuklukkum verði hringt kl. 13 í 7 mínútur þar sem því verður við komið. Hringt er í 1 mínútu fyrir hvern dag vikunnar til að vekja athygli á baráttunni gegn einelti og kynferðisofbeldi.  Bætum heiminn og gerum hann öruggari og lífvænni.

Bæn fyrir þeim sem líða vegna eineltis og ofbeldis:

Drottinn Guð.  Þú sem gleðst með glöðum og þjáist með þjáðum.  Vitja þú allra barna þinna þar sem þau eru stödd á lífsins leið.  Sérstaklega biðjum við fyrir þeim sem hafa reynt einelti og kynferðisofbeldi.  Líkna þeim og gakktu með þeim veginn fram.  Gef þeim kraft og styrk á þeirri vegferð og lát þau finna að kærleikur þinn sigrar allt myrkur og böl.  Megi ljós þitt og blessun lýsa og vísa veginn til bata.