Fasta fyrir umhverfið

Þá er Fasta fyrir umhverfið komið á netið. Það er 40 daga áskorun um að draga úr vistsporinu og eiga umhverfisvænni hversdag.

Hugmyndin

Leystu eitt lítið verkefni á dag frá öskudegi fram á páskadag tengt ólíkum þemum, m.a. neyslu, mataræði og plastsóun. Sköpum okkur nýjar og umhverfisvænni venjur!

Til að ná að standa við Parísarsamkomulagið þurfum við öll að leggja okkar að mörkum fyrir plánetuna.

Hægt er að fylgjast með og taka þátt í verkefninu er á facebook.com/fastafyrirumhverfid og hér að þessari síðu á www.eything.com/fasta.

Tilefnið

Það er sjálfboðavinna kirkjufólks sem er áhugasamt um umhverfisstarf sem lítur hér dagsins ljós.  Hér er búið að þýða og staðfæra dagatal fyrir föstuna þar sem fólk leysir lítil verkefni á hverjum degi og vinnur þannig að því að eiga umhverfisvænni hversdag. EcoFast og CarbonLent eru fyrirbæri sem systurkirkjur okkar um allan heim hafa verið að stunda – nú er komið að okkur.

Dagatalið – 40 dagarnir – 14. febrúar – 25. mars

Hér er föstudagatalið aðgengilegt til niðuhals og útprentunar, passið að prenta báðumegin á blaðið til að nýta pappírinn. Verkefni hvers dags birtast líka á facebook síðunni en gott er að hafa dagatalið heimavið til áminningar.

Sækja dagatalið

Fræðslu- og umræðukvöld í Glerárkirkju
– Drögum úr vistspori okkar og verndum jörðina

Þá verða fræðslukvöldin í Glerárkirkju helguð föstu fyrir umhverfið og geta þeir sem vilja stuðning við föstuna sótt þau á miðvikudagskvöldum kl. 20 frá og með öskudegi fram að dymbilviku.

N4Dagskrafinal

Innleiðsla í verkefnið: Fasta fyrir umhverfið

Fyrsta kvöldið í Glerárkirkju 14. febrúar var Sindri Geir Óskarsson, guðfræðingur, með innleiðslu í verkefnið. Hér er upptaka af erindi hans.

About Guðmundur Guðmundsson, héraðsprestur (228 Articles)
Vefstjóri Eyjafjarðar- og Þingeyjarprófastsdæmis. Vefurinn hefur það markmið að endurspegla þjóðkirkjuna á Norðausturlandi.
%d bloggurum líkar þetta: