Kirkjan beiti sér í umhverfismálum
Aðgerðaáætlun í umhverfismálum þjóðkirkjunnar er mörkuð í samþykktum kirkjuþings 2017, en því var frestað í gær (15. nóv.). Þráðurinn verður svo tekinn upp að nýju fljótlega eftir áramót.
„Við sem störfum í kirkjunni viljum taka höndum saman við aðrar hreyfingar og einstaklinga sem láta sig náttúruvernd og baráttuna gegn loftslagsvá varða,“ segir í þingsályktun um umhverfisstefnuna þar sem lagt er til að þjóðkirkjan verði virkt umbótaafl.
Meðal atriða í umhverfismálum sem kirkjan hyggst beita sér fyrir er að handbók um umhverfisstarf í kirkjustarfi verði gefin út, efnt verði til viðburða, helgihalds og fræðslu um umhverfismál, t.d. með umhverfisdögum í kirkjum og uppskerumessum, einnota plastmálum verði útrýmt úr safnaðarstarfi kirkjunnar og gert átak í endurheimt votlendis á kirkju- og prestssetursjörðum líkt og gert hefur verið í Skálholti.
Eyjafjarðar- og Þingeyjarprófastsdæmi 