Ég finn þinn anda, sálmur eftir sr. Hildi Eir

Texti eftir sr. Hildi Eir Bolladóttur og lagið samdi Eyþór Ingi Jónsson og má hlusta á það hér á síðunni. Lagið syngur Elvý Guðríður Hreinsdóttir.

Ég finn þinn anda

1. Eigum við að fæðast til að deyja
Drottinn minn?
Er lífsbaráttan virði þess að heyja
Drottinn minn?
Er eilífðin þá búin til úr von?
Sem fengin er í samfylgd við þinn son

2. Ég bið þig Guð að vaka mér við hlið
hér í nótt
svo angist mín og reiði hverfi skjótt
hér í nótt
ég finn þinn anda nálgast huga minn
hann strýkur blítt um vanga mér og kinn

3. Í tárum þínum vakir okkar líf
mundu það
í hjarta þínu skjól okkar og hlíf
mundu það
hver snerting sem við áttum helg og sönn
mun hugga þig og styrkja’ í dagsins önn

4. Jesús vísar veginn
vittu til
trú þín sigrar beyginn
vittu til
er degi hallar, sólin kveður hljótt
er Guð að skapa ljós úr kaldri nótt

     Hildur Eir Bolladóttir